Ўзбекистон Республикаси
Марказий сайлов комиссиясининг қарори
№1463 2026 йил 25 февраль
Ўзбекистон Республикаси Олий Мажлиси Сенати аъзоси М.Х. Рахманкуловнинг ваколатини муддатидан илгари тугатиш тўғрисида
“Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг мақоми тўғрисида”ги Ўзбекистон Республикаси Қонунининг 4-моддаси ҳамда Ўзбекистон Республикаси Сайлов кодексининг 14 ва 16-моддаларига мувофиқ Ўзбекистон Республикаси Марказий сайлов комиссияси қарор қилади:
1. Ўзбекистон Республикаси Президентининг “Ўзбекистон Республикаси Олий Мажлисининг Сенати аъзоларини тайинлаш тўғрисида” 2024 йил 14 ноябрдаги ПФ–187-сон Фармонига асосан Ўзбекистон Республикаси Олий Мажлиси Сенати аъзоси этиб тайинланган Рахманкулов Мир-Акбар Ходжи - Акбарович вафот этганлиги муносабати билан унинг сенаторлик ваколати муддатидан илгари тугатилган деб ҳисоблансин.
2. Рахманкулов Мир-Акбар Ходжи-Акбарович Ўзбекистон Республикаси Олий Мажлиси Сенати аъзолари рўйхатидан чиқарилсин.
3. Мазкур қарор Ўзбекистон Республикаси Олий Мажлисининг Сенатига юборилсин.
4. Ушбу қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.
Раис З. Низамходжаев
