O‘zbekiston Respublikasi
Markaziy saylov komissiyasining qarori
№1472 2026-yil 28-iyul
Toshkent shahar hududiy saylov komissiyasining doimiy asosda ishlovchi raisi o‘rinbosarining vakolatlarini tugatish to‘g‘risida
O‘zbekiston Respublikasi Saylov kodeksining 14, 16 va 25-moddalariga muvofiq, shuningdek Toshkent shahar hududiy saylov komissiyasining doimiy asosda ishlovchi raisi o‘rinbosari F.Nigmanovning o‘z vakolatlarini zimmasidan soqit qilish to‘g‘risida bergan arizasiga binoan, O‘zbekiston Respublikasi Markaziy saylov komissiyasi qaror qiladi:
1. Toshkent shahar hududiy saylov komissiyasining doimiy asosda ishlovchi raisi o‘rinbosari Nigmanov Fatxulla Ubaydullayevichning vakolatlari 2026-yilning 28-iyul sanasidan tugatilgan deb hisoblansin.
2. Mazkur qaror xalq deputatlari Toshkent shahar Kengashiga hamda Toshkent shahar hududiy saylov komissiyasiga yuborilsin.
3. Mazkur qaror O‘zbekiston Respublikasi Markaziy saylov komissiyasining rasmiy veb-saytida e’lon qilinsin.
4. Mazkur qaror ijrosini nazorat qilish O‘zbekiston Respublikasi Markaziy saylov komissiyasi Raisining o‘rinbosari B.Kuchkarov zimmasiga yuklansin.
Rais Z. Nizamxodjayev
