Kuni kecha,  Halima Xudoyberdiyeva ijod maktabida “Qonunchilik palatasi deputatlari korpusini shakllantirishning majoritar-prorporsional shakliga asoslangan saylov tizimi joriy etilishining ahamiyati” mavzusida turli korxonalarda faoliyat koʻrsatayotgan faol xotin-qizlar ishtirokida davra  suhbati tashkil qilindi.

Tadbirda Oliy Majlis Qonunchilik palatasi spikeri oʻrinbosari, OʼzLiDeP Siyosiy Kengashi Ijroiya qoʻmitasi raisi A.Xaitov, Oliy Majlis Qonunchilik palatasi deputati I.Qudratov, Xalq deputatlari viloyat Kengashi kotibiyati mudiri A.Abduraxmanov, Markaziy saylov komissiyasi oʻquv markazi direktori oʻrinbosari R.Isamutdinov, Sirdaryo viloyat adliya boshqarmasi boʻlimi boshligʻi B.Norboyev, Halima Xudoyberdiyeva ijod maktabi rahbari P.Axmedjonovalar oʻz maʼruzalari bilan qatnashishdi.

Maʼruzachilar tomonidan  “Oʻzbekiston Respublikasining ayrim qonun hujjatlariga saylov va referendum oʻtkazish tartibini yanada takomillashtirishga qaratilgan oʻzgartirish va qoʻshimchalar kiritish toʻgʻrisida»gi Oʻzbekiston Respublikasi Konstitutsiyaviy qonun  qabul qilinganligi, endilikda Qonunchilik palatasi saylovini aralash saylov tizimi asosida oʻtkazish belgilanayotganligi yuzasidan yigʻilish qatnashchilariga  batafsil maʼlumot berildi.